دەستگیرکردنی گەورە تیرۆریستێکی داعش لە کەرکووک باکووری عێراق

ھەولێر ــ AA

وەزارەتی ناوخۆی عێراق رایگەیاند کە گەورە تیرۆریستێکی داعش لە پارێزگای کەرکووک باکووری عێراق دەستگیرکراوە.

لە راگەیەنراوێکدا وەزارەتی ناوخۆی عێراق بڵاویکردەوە، ھێزەکانی ئاژانسی ھەواڵگریی سەربە بەڕێوەبەرایەتی ھەواڵگریی پۆلیسی فیدراڵ، گەورە تیرۆریستێکی داعشیان لە ناحیەی شوان باکووری رۆژھەڵاتی پارێزگای کەرکووک دەستگیرکردووە کە بەپێی ماددەی چواری تیرۆر داواکراوبوو.

ئاماژە بەوەیشدراوە کە پێشتر چەندین فەرمانی دەستگیرکردن بۆ ئەو گەورە تیرۆریستە بەتۆمەتی ئەندامبوون لە داعش دەرکرابوو و باس لەوەشکراوە کە ئەو دەستگیرکراوەکە، بەناو فەرماندەی ھێزی سەربازی داعش بووە لە کەرتەکانی کەرکووک و نەینەوا جگە لەوەیش لەبەناو فیرقەی قادسییە و دیوانی توێژینەوە و پەرەپێدان چەکداربووە.

لە کۆتایی راگەیەنراوەکەدا ئەوە خراوەتەڕوو کە دەستگیرکراوەکە دوای وەرگرتنی گوتەکانی، رێوشوێنی یاسایی لەبەرامبەری گیراوەتەبەر.