Erdogan û Obama li ser têlefonê xeberdan

ÎSTANBUL

Serokomar Recep Tayyîp Erdogan li ser têlefonê bi Serokê DYAyê Barack Obama ra xeberda.

Li gor daxuyaniya nivîskî ya Serokomariyê, Erdogan û Obama der hqê balafira Rûsyayê ya ku sînorê hewayê yê Tirkiyeyê îxlal kir û bi destê Tirkiyeyê hat daxistin da axivîn.

Obama destnîşan kir ku mafê Tirkiyeyê ye ku parastina xwe ya neteweyî bike û DYA û NATO jî piştgiriyê didin.

Hat destnîşankirin ku Erdogan û Obama di heman fikrê da ne ku rageşî ji holê rabe û bûyerên wiha cardin çênebin.

Hat diyarkirin ku herdu serok ji bo li Sûriyeyê pêvajoya çareseriya siyasî çêbe jî di têkoşîna hevbeş a li dijî DAEŞê da bi biryar in.