Li Erzirom, Qers, Erdexan û Tunceliyê berf dibare

Li Erzirom, Qers, Erdexan û Tunceliyê berf û bager tesîreke neyînî li jiyanê dike.

Li Erziromê barîna berfê bi navber didome.

Li bajarê ku bi şev germahiya hewayê di bin sifirê da 7 pile hat pîvan, rê û peyarê qerimîn û bi baniyan va şembelûk daliqîn.

Li bajêr ekîbên şaredariyê peyarê paqij kirin û hin welatiyan jî ji bo çûkên nikarin qût bibînin, qût danî derva.

- Qers

Li Qersê berfa ku du roj e bi navber dibare, îro jî tesîra xwe domand.

Ji ber barîna berfa zêde ajokaran zehmetî kişand û ekîbên Şaredariya Qersê jî xebata verotina berfê da destpêkirin.

Li navçeya Sariqamîşê berf û sermayê tesîra xwe nîşan da.

Daristanên çamên zer bi barîna berfê spîçîl bûn. Ekîbên Midûriyeta Rêbejayê ya Herêma 18em û Rêveberiya Taybet a Parêzgehê xebata verotina berfê û rêxwêkirinê da destpêkirin.

- Erdexan

Li Erdexanê jî barîna berfê tesîra xwe didomîne.

Navenda bajêr bi berfê venixumî û li cihên bilind berf vedigerîne bagerê.

Ji ber hişkiyê rêyan gelekî cemed girtiye.

- Tuncelî

Li Tunceliyê jî berfa ku bi navber dibare, tesîreke neyînî li jiyanê dike.

Ji ber berfê ajokar di rêyan da zehmetiyê dikişînin.

Ekîbên şaredariyê di kuçe û kolanan da xebata verotina berfê dimeşînin.