Hevdîtina Erdogan û Papa bidawî bû

VATÎKAN

Civîna Serokomar Recep Tayyîp Erdogan a bi Papa Francîscusê serokê ruhanî yê Katolîkan re qediya.

Papa Francîscus li Qesra Apostola Vatîkanê beriya hevdîtinê Serokomar Erdogan li ber derî pêşwazî kir.

Bi saeta Tirkiyeyê hevdîtina wan di saet 11.53yan de dest pê kir û di 12.54an de bidawî bû.

Heyeta bi Serokomar Erdogan re teqdîmê Papa kirin.

Xanima Serokomar Erdogan Emîne Erdogan, Wezîrê Karên Derva Mevlut Çavuşoglu, Wezîrê Aboriyê Nîhat Zeybekcî, Wezîrê Parastinê Nurettîn Canîklî, Wezîrê Yekîtiya Ewropayê û Sermuzakerevan Omer Çelîk û Wezîrê Vejen û Çavkaniyên Sirûştî Berat Albayrak û xanima wî Esra Albayrak, Berdevkê Serokomariyê Îbrahîm Kalin di heyetê de amade bûn.

Papa Francîscus û Serokomar Erdogan paşê diyarî dan hevdu.

Erdogan çîniya Îznikê ya minyatur a ku Stenbolê di 24 perçeyan de taswîr dike û bi zimanê Îtalyanî û Îngilizî Mesnewî diyariyî Papa kir.

Papa jî madalyona aştiyê sembolîze dike diyariyî Serokomar Erdogan kir.