Li Tunceliyê 3 sitargehên terorîstan hatin îmhekirin

Li devera çiyayî ya Hozata navçeya Tunceliyê di encama operasyonê da 3 sitargehên ku terorîstan xebitandine hatin îmhekirin.

Li gor daxuyaniya ku ji Walîtiyê hat dayîn, ekîbên Fermandariya Cendirmeya Bajêr di çarçoveya "Operasyona Eren Abluka-7 Cendirmeyê Şehîd Çawîşê Pispor Burak Tortumlu" ya li dijî terorîstan da li devera çiyayî ya navçeyê operasyon kir.

Hêzên ewlehiyê li ser eraziyê devera çiyayî ya navçeyê lêgerîn kir û di nava daristanê da 3 sitargehên ku terorîstan bi kar anîne tesbît kirin.

Di lêgerîna sitargehan da 100 kîlo amonyum nîtrata ku di çêkirina teqemeniyê da tê bikaranîn, kîloyek teqemeniya plastîk, dûrbîna kanasê, 106 fîşeng, dedektora mayînan, şarjora kalaşnîkofê, 10 tupên mezin, 5 tupên piçûk, panela tavê, 16 blokên pîlan, 140 pîlên mezin, 55 betanî, têlevîzyon, 2 ocaxên ku bi tupê dixebitin, 5 lître mazot, sêla nan, 2 sobe, 5 kîlo titûn û gelek alavên jiyanê hatin bidestxistin.

Ekîbên cendirmeyê sitargeh xerab kirin.