ئەردۆغان: "بتانەوێ و نەتانەوێ بەھێزدەبین"

ئیستانبوڵ - AA

سەرکۆماری تورکیا، رەجەب تەیب ئەردۆغان رایگەیاند ''(فەڕەنسا) ئەوە دەبینن کە لە ماوەی رابردوودا دژ بە تورکیا کردییان. ئەگەر بە ھۆی بەھێزبوونمانەوە ناڕەحەت دەبن، بتانەوێ و نەتانەوێ بەھێزدەبین".

سەرکۆماری تورکیا، گوتی: "بەداخەوە ئەلبانیا لە ژێر داگیرکاریی رێکخراوی تیرۆریستیی فەتۆدایە. بە دڵنیاییەوە کۆبوونەوەمان ھەیە لەگەڵیاندا. درەنگ یان زوو بزووتنەوەی داگیرکاریی ئەوانە لەوێش بەچۆکدا دەھێنین. بە تێپەڕینی ھەر رۆژێک رێگەیەکی زۆرتر دەبڕین و وەقفی مەعاریفمان لە ئەلبانیا بەردەوامە لە پرۆسەی وەرگرتنەوەی خوێندنگەکان".

سەرکۆماری تورکیا، ئەردۆغان گوتیشی: ''لە وڵاتەکەماندا ئەو بەرنامەیەی بەناوی زەمالەکانی تورکیا، بە دامەزراوەییمان کردووە، ١١٥ ھەزار خوێندکاری میوانمان ھەن کە روویان لە وڵاتەکەمان کردووە و لەسەر ‌حسابی خۆیان دەخوێنن. نزیکەی لە ھەموو شوێنێکی جیھانەوە خاوەنی خوێندکارین. ئامانجمان ئەوەیە ژمارەی خوێندکارەکانی ناو وڵاتەکەمان بۆ ٣٥٠ ھەزار بەرز بکەینەوە. بەوشێوەیەش دەبینە یەکێک لەو پێنج وڵاتەی کە زۆرترین خوێندکاری بیانی تیایدا دەخوێنێت، ئەمە ئامانجمانە".