بینالی یڵدرم: "ته‌نها قسه‌ی گه‌ل بۆ ئێمه‌ گرنگه‌"

ئەنقەرە - AA

سەرۆکوەزیرانی تورکیا، بینالی یڵدرم رایگەیاند "دامەزراوەیەکی ھەڵسەنگاندن، بێ ئەوەی کە لە بەرنامەیدا ھەبووبێت، لە رۆژەڤیدا بووبێت، شەوێک لەناکاو تێبینی لەسەر تورکیا دەنووسێت. کاتێک تەماشای ھۆکارەکانی دەکەیت، شتگەلی نالۆژیکی و لەدەرەوەی عەقڵن. ھۆکارەکان لەگەڵ واقیعی تورکیادا یەک ناگرێتەوە و بەتەواوەتی سیاسیین، سیناریۆیەکە داڕێژراوە کە 'چۆن دەتوانین لە ھەڵبژاردندا زیان بە ئاک پارتی بگەیەنین'. قسەی ئێوە بۆ ئێمە ھیچ بەھایەکی نییە. بۆ ئێمە قسە، قسەی گەلە. رۆژی ٢٤ی حوزەیرانیش ئەو رۆژەیە کە ئەو قسەیە وەردەگیرێت".

سەرۆکوەزیرانی تورکیا، گوتی: "ئێوە خاوەندارێتی دیموکراسی و تورکیاتان کرد دژ بە تۆڕەکانی ناپاکی. تورکیا بەبێ کەوتنە پشێویەوە گەیشتووەتە ئەمڕۆژانە. وەک 65ـەمین سەرۆکوەزیرانی حکوومەتی کۆماری تورکیا و دوایین سەرۆکوەزیران، بەناوی گەل و وڵاتەوە زۆر سوپاسی ھەمووتان دەکەم".