لە ئێران سێ کەس لەسێدارە دران

هەولێر - AA

دەسەڵاتی دادوەریی ئێران لەسێدارەدانی سێ کەسی لە تارانی پایتەخت راگەیاند.

بەگوێرەی راگەیەندراوێکی دەسەڵاتی دادوەریی ئێران کە ئاژانسی هەواڵیی "تەسنیم" بڵاوی کردووەتەوە، سێ بەندکراو بە ناوەکانی شەهاب مەنسور نەسەب، سەمەد گراوەند و سەعید گراوەند سزای لەسێدارەدانیان بەسەردا جێبەجێ کراوە.

بەپێی راگەیەندراوەکە، ئەم سێ کەسە بە بازرگانیکردن و بەرهەمهێنانی ماددەی هۆشبەر تاوانبار کرابوون.