پۆمپیۆ لەگەڵ نوێنەری یەکێتی ئەورووپا مۆگێرینی کۆبوویەوە

واشنتۆن - AA

گوتەبێژی وەزارەتی دەرەوەی ئەمریکا مۆرگان ئۆرتاگوس رایگەیاند کە وەزیری دەرەوەی ئەمریکا مایک پۆمپیۆ لەگەڵ نوێنەری باڵای یەکێتی ئەورووپا بۆ کاروباری دەرەوە و سیاسەتی ئەمنی فێدێریکا مۆگێرینی کۆبۆتەوە و لە کۆبوونەوەکەدا تیشک خراوەتە پرسە سیاسی و سەربازیەکان.

مۆرگان لە راگەیەندراوێکدا ئاماژەی بەوەداوە پۆمپیۆ و مۆگێرینی لەسەر پەیوەندییەکانی ئەمریکا و یەکێتی ئەورووپا بە وردی گفتوگۆیان کردووە.

لەلایەکی ترەوە لەکاتی گفتوگۆکەدا باس لە بەرگری و ئاسایشی ئەورووپا کراوە و دەڵێت: ''لە کۆبوونەوەکەدا تیشک خراوەتە سەرنیگەرانی و بەرژەوەندییە هاوبەشەکان لە پرسەکانی ئەفغانستان، ئێران، لیبیا، کوبا، مۆڵدۆڤا، باڵقانی رۆژئاوا، رووسیا، ئۆکرانیا، ڤێنزوێلا''.