گەشتی ئاسمانیی نێوان عەنتاب و ھەولێر دواخرا

هەولێر - AA

دوای ماوەیەک لە وەستانی گەشتی ئاسمانیی لەنێوان عەنتاب و ھەولێر، بڕیار بوو دوای نیوەڕۆی ئەمڕۆ، فڕۆکەیەک لە عەنتاب-ەوە بەرەو ھەولێر بفڕێت، بەڵام گەشتەکە دواخرا.

بەپێی زانیارییەکان، دواخستنی گەشتەکە دەگەڕێتەوە بۆ نالەباریی کەشوھەوا لە ئاسمانی عەنتاب و پێشبینی دەکرێت گەشتەکە رۆژی پێنجشەممەی داھاتوو ئەنجام بدرێت.

پێشتر وەزارەتی گواستنەوە و ژێرخانی تورکیا رایگەیاندبوو کە لە ٢٤ی کانوونی دووەمدا، دەست دەکرێت بە گەشتی ئاسمانیی بۆ شاری ھەولێر و لە دووی شوباتیشدا بۆ ئەرمینیا.

ئەوەشخرابووەڕوو کە ھێڵی ئاسمانیی ئانادۆڵوجێت لە ھەفتەیەکدا، دوو گەشت لە عەنتاب-ەوە بۆ ھەولێر لە رۆژانی دووشەممە و پێنجشەممە ئەنجام دەدات.