Gökhan Ergöçün
14 Септември 2026•Ажурирано: 14 Септември 2026
Цените на нафтата пораснаа на почетокот на неделата во која американските Федерални резерви (ФЕД) треба да ја донесат одлуката за каматните стапки, со што се засилија инфлаторните притисоци, додека фјучерсите на нафтата ВТИ и Брент пораснаа за повеќе од 2 %, јавува Анадолу.
В среда, американскиот ФЕД ќе ја објави одлуката за основната каматна стапка.
Минатиот месец, претседателот на ФЕД, Кевин Ворш, рече дека инфлацијата останува превисока, и покрај издржливата економија и растечките инвестиции во вештачката интелигенција.
Говорејќи на Симпозиумот за економска политика „Џексон Хол“, Ворш истакна дека можеби ќе бидат потребни дополнителни чекори во монетарната политика доколку инфлацијата не падне на целното ниво.
Во петокот, стапката на инфлација во САД изнесуваше 3,4 %, додека месечната стапка се зголеми на 0,4 %.
Минатата недела, податоците на Американската автомобилска асоцијација покажаа дека цената на дизелот достигнала 6,05 долари, што е рекордно високо ниво.
Зголемувањето на цените на нафтата во текот на овој месец предизвикува загриженост за инфлацијата и врши притисок врз одборот за монетарна политика на ФЕД.
Фјучерсите на Брент се тргуваат по 106,8 долари, што е зголемување од 2,1 % од 6:30 часот по Гринич; ВТИ се тргува по цена од 102,2 долари, што е зголемување од 2,2 %.
