Речиси половина од населението на Грција е погодено од дезертификација

Речиси половина од населението на Грција живее во области погодени од опустинување, според неодамнешен извештај, на кој денес се повикува грчкиот весник „То вима“, јавува Анадолу.

Во извештајот на Заедничкиот истражувачки центар (JRC) на Европската комисија се наведува дека 47 отсто од населението на Грција живее во области директно погодени од опустинување, што е втор највисок удел во Европа, по грчката кипарска администрација со 61 отсто.

Истакнувајќи го опустинувањето како растечка еколошка и социоекономска закана во Европа, во извештајот Грција е вброена меѓу земјите што се најтешко погодени.

Се наведува дека 72,74 отсто од територијата на Грција покажува најмалку еден показател за деградација на земјиштето, во споредба со 56,4 отсто на ниво на Европската Унија.

Во извештајот, исто така, се наведува дека повеќе од една третина од вкупната територија на Грција е погодена од опустинување.

Овие бројки ја рангираат Грција на третото место меѓу европските земји според уделот на територија погодена од опустинување.

Највисок удел има Шпанија со 53 отсто, по што следува Кипар со 45 отсто. Грција е на третото место со 36 отсто, пред Португалија со 28 отсто.