Двајца затвореници убиени во тепачка во затвор во Северна Грција

Во тепачка во затвор во Северна Грција убиени се двајца затвореници, јавија денес локалните медиуми, пренесува Анадолу.

Жртвите во тепачката во затворот „Нигрита“ биле државјани на Алжир и на Иран, објави дневниот весник „Катимерини“, додавајќи дека властите уапсиле 11 затвореници, меѓу кои и двајцата главни осомничени за убиствата.

Во текот на рацијата по смртоносниот инцидент затворските службеници пронашле неколку предмети, меѓу кои импровизирани ножеви и штици, пишува весникот.

Се наведува дека сè уште не е разјаснета причината за тепачката.