Коалицијата предводена од Саудиска Арабија во Јемен соопшти дека уништила три платформи за лансирање ракети на Хусите

Коалицијата предводена од Саудиска Арабија во Јемен денес соопшти дека уништила три платформи за лансирање ракети „што ги користеле Хусите за загрозување на регионалната безбедност“, пренесува Анадолу.

„Нападите на Хусите врз цивили и цивилната инфраструктура ќе наидат на решителен одговор“, напиша портпаролот на коалицијата, Турки ал-Малики, на американската платформа за социјални медиуми Х.

Јемен е зафатен од конфликт откако Хусите во 2014 година ги презедоа главниот град Сана и неколку провинции, што ја поттикна коалицијата предводена од Саудиска Арабија во 2015 година да интервенира во поддршка на меѓународно признатата Влада.

По периодот на релативно затишје по прекинот на огнот од 2022 година, борбите продолжија во јули и се проширија и во соседна Саудиска Арабија, при што Хусите извршија ракетни напади и напади со беспилотни летала врз саудиска територија.

Оваа недела владините сили соопштија дека ја започнале операцијата „Зора на Јемен“, со цел повторно да ја преземат целата територија што е под контрола на Хусите.