ТЕЛ АБЈАД (АА) - Американската Армија испрати конвој за засилување составен од скоро 50 возила во базите во источната сириска покраина Деир ез-Зор, која е окупирана од терористичката организација ЈПГ/ПКК, јавува Анадолу.
Конвојот американски сили влегол во Ал Хасека вчера преку граничниот премин „Ал Валид“ меѓу Ирак и Сирија, изјавија локални извори за Анадолу.
Конвојот составен од околу 50 возила, стигнал до базите на американските сили во полето за природен гас „Конико“ и нафтеното поле „Ал-Омер“ во регионите окупирани од терористите на ЈПГ/ПКК во руралниот дел на Деир ез-Зор.
Американските борбени возила „Бредли“ и други возила со погон 4x4 го придружуваа конвојот.
Во конвојот имало оклопни возила, цистерни со гориво и возила полни со муниција.
На 6, 8, 22 и 25 јануари, како и на 19 и 20 јуни и на 11 јули, американската Армија испрати засилување во американските бази и воени пунктови во градовите Рмелан, Тел Бејдар и Аш Шадади во Ал Хасека.
Од 2015 година, американските сили во Сирија обучија илјадници терористи на ЈПГ/ПКК во нивните воени бази во регионот под изговор за борба против тероризмот.
САД им обезбедуваа на терористите на ЈПГ/ПКК и огромни количини оружје и борбена опрема.
Во октомври 2019 година, за време на прекуграничната антитерористичка операција на Туркије, операцијата „Извор на мирот“, американските сили се повлекоа од подрачјето за да го зајакнат своето присуство околу нафтените извори во североисточна Сирија.
Во Сирија владее граѓанска војна од почетокот на 2011 година, кога режимот на Башар ал Асад ги разби продемократските протести со неочекувана жестокост.
