Бразил ќе забрани мобилни телефони во основните и средните училишта

БОГОТА (АА) - Доколку биде одобрен декретот што го донесе Конгресот во Бразил, употребата на мобилни телефони ќе биде забранета во основните и средните училишта, известува Анадолу.

Со оглед на негативните ефекти врз здравјето и образованието на децата и младите, Конгресот донесе регулатива со која се забранува употреба на мобилни телефони во основните и средните училишта.

Доколку декретот биде одобрен од бразилскиот претседател Луис Инасио Лула да Силва, употребата на мобилни телефони ќе биде забранета во основните и средните училишта.

Бразилскиот министер за образование Камило Сантана рече дека најправилна одлука би било ограничување на употребата на мобилни уреди во училиштата.

Повеќе од половина од бразилските деца на возраст од 10 до 13 години имаат мобилен телефон, покажа независно истражување во таа земја.

Оваа стапка беше утврдена на 87,6 % од децата на возраст од 14 до 17 години.

Според владиниот Управувачки комитет за интернет, речиси две третини од училиштата во земјата ја ограничуваат употребата на мобилни уреди, а само 28 % целосно ја забраниле употребата на мобилни телефони.

Според анкетата што во октомври ја спроведоа институтот „Локомотива“ и QuestionPro, 82 % од бразилските родители ја поддржуваат забраната на мобилни телефони во училиштата.