Во Индија падна првиот овогодишен снег

СРИНАГАР (АА) - Подрачјето на Сринагар, во индиската сојузна територија Џаму и Кашмир, е прекриено со снежна покривка, прва во новата 2021 година, пренесува Агенција Анадолија (АА).

Автопатот Сринагар-Џаму, долг 270 километри, единствениот патен правец што го поврзува Кашмир со другите делови на земјата, е затворен по снежните врнежи од снег, а како што јавуваат локалните медиуми, во прекин е и воздушниот сообраќај.

Најмалку петнаесет лица се повредени во различни сообраќајни несреќи низ Џаму и Кашмир поради лизгавите патишта.

Индискиот метеоролошки завод прогнозира умерени врнежи од снег во Кашмир и обилни врнежи од снег на повисоките места. Метеоролошкиот завод издаде и предупредување за опасност од лавини на повисоките места.