Во Кина 63 нови случаи на Ковид-19, две лица починаа

ПЕКИНГ

Националната здравствена комисија на Кина утринава соопшти дека во изминатите 24 часа од последиците на Ковид-19 починале уште две лица во таа земја, јавува Агенција Анадолија (АА).

Во соопштението се наведува дека вирусот е потврден кај уште 63 лица, од кои 61 дошле од странство, додека две се наоѓаат во покраината Гуангдонг.

Бројот на вкупно заразени лица во Кина е зголемен на 81.865.

Во Кина од почетокот на епидемијата починаа 3.335 лица, а излекувани се 77.370.

Коронавирусот кон крајот на минатата година се појави во кинескиот град Вухан, а Светската здравствена организација (СЗО) на 11 март оваа година прогласи глобална пандемија на Ковид-19.

Националната здравствена комисија на Кина вчера соопшти дека е забележан прв ден без смртни случаи од последиците на Ковид-19 од појавата на епидемијата во таа земја.