Во Русија се урна борбен авион Су-34, пилотите загинаа

МОСКВА (АА) – Руското Министерство за одбрана извести дека борбениот авион Су-34 се урнал во Република Северна Осетија-Аланија, дел од Руската Федерација, при што загинаа двајцата пилоти, јавува Анадолу.

Во соопштението на Министерството се наведува дека борбениот авион Су-34 на руските воздушни сили се урнал во напуштеното подрачје за време на планираниот тренажен лет во планинскиот регион на Република Северна Осетија-Аланија. Потврдено е дека двајцата пилоти на авионот загинале.

Според првичните информации, авионот се урнал поради техничка грешка, а делегација од Министерството за одбрана излегла на местото на несреќата.

Суперсоничните ловци-бомбардери од руско производство Су-34 со двајца пилоти беа развиени за употреба во воздушни напади со висока прецизност, вклучително и нуклеарно оружје.

Су-34 се користи против копнени и воздушни цели преку ден, ноќе и во различни услови.