Грчките средношколци се судрија со полицијата на протестите во Атина

АТИНА (АА) – Во Атина, главниот град на Грција, средношколците протестираа против промените во системот за запишување на универзитетите, пренесува Anadolu Agency (AA).

Стотици ученици се собраа пред зградата на Универзитетот во Атина, и извикувајќи пароли тргнаа кон плоштадот „Синтагма“, каде што се наоѓа и зградата на Парламентот.

Безбедносните сили презедоа интензивни безбедносни мерки пред зградата на Парламентот, и со солзавец и звучни бомби одговорија на нападите од средношколците, кои нападнаа со стапови и камења.

Во настаните еден фоторепортер е лесно повреден во главата, а тројца средношколци се приведени.