Две лица загинаа, 15 се повредени во напад со беспилотно летало на Хусите врз Источен Јемен

Две лица загинаа, а 15 се повредени во денешниот напад на Хусите со беспилотно летало врз воен камп во Источен Јемен, објави провладин телевизиски канал, пренесува Анадолу.

Телевизијата Алџумхурија објави дека нападот бил насочен кон камп на третата дивизија на владините Сили на националниот штит во областа на пустината Ал-Абр во покраината Хадрамаут.

Јеменската Влада и Силите на националниот штит засега немаат објавено соопштение во врска со нападот.

Хусите, исто така, засега не објавија коментар.