Израелски воени авиони извршија напади во Јужен Либан и покрај договорот со посредство на САД

Израелските сили извршија напад врз Јужен Либан рано денес во најновото прекршување на рамковната спогодба постигната со посредство на САД, објавија либанските медиуми, пренесува Анадолу.

Израелски воени авиони го нападнаа градот Маџдал Зун во областа Тир, објави либанската официјална Национална новинска агенција (ННА) во краток извештај.

Засега нема дополнителни информации за жртви или материјална штета.

Прекршувањето се случи во услови на продолжени тензии меѓу Израел и Либан по избувнувањето на нов круг непријателства на 2 март.

Израел започна интензивни напади врз Либан од 2 март, тврдејќи дека се насочени кон Хезболах, кој пак возврати со напади врз Израел, со што фактички беше ставен крај на прекинот на огнот што беше на сила од ноември 2024 година.

Дипломатските напори предводени од САД доведоа до потпишување рамковна спогодба меѓу Израел и Либан во јуни, со која се предвидува постепено повлекување на Израел од целата окупирана либанска територија во замена за распоредување на либанската армија таму и разоружување на вооружените групи.