Иран: Во пад на патнички авион на украинска авиокомпанија загинаа 176 лица

ТЕХЕРАН

Во пад на авион на „Украина ерлајнс“ од типот „Boeing 737“ во Техеран загинаа 176 патници и членови на екипажот, пренесува Агенција Анадолија (АА).

Шефот на Агенцијата за итна помош на Иран, Пир Хусеин Куливанд, соопштил дека никој од лицата што се наоѓале во авионот не го преживеале падот на авионот на летот „PS-752“, јави иранската државна телевизија.

• Иран ги негира тврдењата дека украинскиот патнички авион е соборен

Куливанд изјавил дека телата на настраданите ќе бидат пренесени во одделот за форензика.

Али Кашани, портпаролот на аеродромот „Имам Хомеини“ во Техеран, информираше дека во авионот се наоѓале 167 патници и 9 членови на екипажот.

Авионот „Boeing 737“, кој од аеродромот „Имам Хомеини“ полета кон Киев, поради технички проблем се урна во 6:18 часот по локално време.