Најмалку десет лица загинаа во автобуска несреќа во Кенија

НАЈРОБИ (АА) - Најмалку десет лица загинаа во автобуска несреќа што се случи вчера во јужна Кенија, известува Анадолу.

Полицаецот Ефрем Карими рече дека патничкиот автобус удрил во камион паркиран на патот што ги поврзува градовите Гариса и Мвинги.

Карими изјави дека осум лица загинале на местото на несреќата, а уште двајца повредени починале на пат кон болница.

„Во автобусот имало близу 50 луѓе. Неколку повредени се пренесени во болница“, информираше Карими.

Започната е истрага за откривање на причините за несреќата.