ЛОНДОН (АА) - Улицата Ковентри (Coventry), една од најпрометните улици во Лондон, првпат е украсена по повод Рамазан, светиот месец за муслиманите, со 30.000 светилки, известува Анадолу.
Улицата се наоѓа во близина на познатиот Лестер Сквер (Leicester Square) во центарот на британската престолнина.
„Среќен Рамазан“ е испишано со светилки на улицата што е една од важните туристички атракции во градот.
Концептот на осветлувањето го подготви непрофитната организација „Рамазански светла УК“ (Ramadan Lights UK), која има цел ширење на свеста за месецот Рамазан.
Освен граѓаните на Лондон, голем интерес за осветлувањето на улицата покажаа и странските туристи.
Светилките ќе ја осветлуваат улицата од 17 до 1 часот по полноќ по локално време, до 23 април.
