Русија ги обвини САД за вршење агресивни акти на Црното Море

МОСКВА

Министерството за одбрана на Русија ги обвини САД за вршење агресивни акти кои претставуваат закана за безбедноста на регионот, поради нивните воени активности на Црното Море, пренесува Агенција Анадолија (АА).

Во писменото соопштение на руското Министерство за одбрана се наведува дека е забележан раст на воените активности на САД и НАТО на Црното Море.

Во соопштението се тврди дека Русија во последните 24 часа открила и следела 4 извидувачки авиони на НАТО.

„Тоа што САД и нивните сојузници реализираат непланирани вежби близу нашите граници на Црното Море, се агресивни акти кои не се провоцирани од страна на Русија, а претставуваат закана за безбедноста и стратешката стабилност на регионот“, се истакнува во соопштението.