Русија го суспендираше безвизниот режим за „непријателските земји“

МОСКВА (АА) - Русија го суспендираше безвизниот режим на нејзината територија за оние кои имаат дипломатски пасоши, членовите на официјалните делегации и новинарите од „непријателските земји“, пренесува Агенција Анадолија (АА).

Рускиот претседател Владимир Путин го потпиша релевантниот декрет за одмазднички визни мерки, со кој се менуваат визните договори со ЕУ, Норвешка, Исланд, Швајцарија и Данска.

Руската Влада на 7 март објави список на земји кои „преземаат непријателски дејствија против Русија, руските компании и граѓаните“, осврнувајќи се на економските санкции наметнати среде руско-украинската војна.

Според декретот објавен на веб-страницата на Владата, на списокот се Албанија, Андора, Австралија, Велика Британија, Џерси, Ангвила, Британските Девствени Острови и Гибралтар, земјите членки на ЕУ, Исланд, Канада, Лихтенштајн, Микронезија, Монако, Нов Зеланд, Норвешка, Јужна Кореја, Сан Марино, Северна Македонија, Сингапур, САД, Тајван, Украина, Црна Гора, Швајцарија и Јапонија.

Руско-украинската војна, што започна на 24 февруари, наиде на меѓународен гнев кај ЕУ, САД и Обединетото Кралство, меѓу другите, кои спроведуваат строги финансиски санкции кон Москва.

Најмалку 1.417 цивили се убиени во Украина, а 2.038 се повредени, според проценките на ОН, а се стравува дека вистинската бројка е многу поголема.

Повеќе од 4,2 милиони Украинци, исто така, побегнале во соседните земји, а уште милиони се раселени во земјата, според податоците на Агенцијата за бегалци на ОН.