Техеран е погоден со нови напади, во градот се слушаат експлозии

ТЕХЕРАН (АА) - Во нови воздушни напади е погоден Техеран, главниот град на Иран, со последователни експлозии кои се слушаат низ целиот град, јавува Анадолу.

Дописникот на Анадолу извести дека експлозиите биле концентрирани во источен и јужен Техеран.

„Облаци од чад се издигнаа по експлозиите, што се совпадна со присуството на воени авиони кои летаа над главите“, додаде тој.

Во заедничката американско-израелска воена кампања започната против Иран во саботата убиени се неколку високи ирански функционери, меѓу кои и врховниот лидер, ајатолахот Али Хаменеи.

Како одговор на тоа, Техеран возврати со напади со беспилотни летала и ракети насочени кон Израел, американски цели и земји од Заливот.