Украина: Продолжуваат интензивните судири во регионот на Доњецк

ДОЊЕЦК (АА) - ДАВИТ КАЧКАЧИШВИЛИ - Најинтензивните конфликти во руско-украинската војна, која трае околу 15 месеци, се водат во регионот на Доњецк, јавува Анадолу.

По опсежните контранапади на украинската армија против руската армија во регионите Харков и Керсон минатата година, судирите се интензивираа во областа Доњецк.

Судирите продолжуваат во Херсон, Луганск, Запорожје и Харков и други региони на Украина, но најинтензивни се во различни делови на Доњецк.

Откако доби специјална дозвола од вооружените сили на Украина, тимот на Анадолу ги следеше случувањата во различни делови на Доњецк.

Интензивната активност на тенкови и оклопни возила привлекува внимание во регионот, каде што често се слушаат звуци на противвоздушни артилериски системи и беспилотни летала.

Украинските војници, кои се на фронтот од почетокот на војната, поминуваат воена обука кога не се на должност.

Војниците во регионот минуваат низ интензивна обука на специјално подготвени терени во близина на фронтот, кога не се вклучени во борба.

Екипата на Анадолу ја следеше обуката на пешадијата на поморската бригада на украинската армија.