Поранешниот играч на Олимпик Марсеј, мароканскиот репрезентативец Барада, почина на 35-годишна возраст

ИСТАНБУЛ (АА) - Поранешниот играч на Мароко и Олимпик Марсеј, Абделазиз Барада, почина денес на 35-годишна возраст, јавува Анадолу.

„Олимпик Марсеј е во тага откако дозна за смртта на неговиот поранешен играч и марокански репрезентативец, Абделазиз Барада“, се вели во соопштението на Олимпик Марсеј.

„По пристигнувањето во летото 2014 година, офанзивниот играч за врска ги носеше боите на Олимпик Марсеј две сезони. Олимпик Марсеј изразува искрено сочувство до неговото семејство и најблиските“, се додава.

Не е потврдена ниту една официјална причина за смртта.

Барада има 28 натпревари и четири гола за Мароко во периодот од 2012 до 2015 година.

Тој порано играше за шпански Хетафе, Ал-Наср од Обединетите Арапски Емирати, турска Анталијаспор и катарскиот Ал-Шаханија СЦ пред да се пензионира во 2021 година.

Во врска со смртта на Барада, Кралската фудбалска федерација на Мароко сподели порака со сочувство во која се вели: „Господ да го помилува починатиот, ние му припаѓаме на Бога и Нему му се враќаме“.