Финале на УЕФА Лига на шампиони од 1,8 милијарди евра

АНКАРА (АА)

- Дога КИРМИЗИОГЛУ

Пазарната вредност на играчите на англиските тимови Манчестер Сити и Челси, кои ќе се сретнат во финалето на УЕФА Лигата на шампиони за сезоната 2020/21, е проценета на над 1 милијарда 780 милиони евра.

Според податоците објавени на германската интернет-страница „Transfermarkt“, пазарната вредност на играчите во Манчестер Сити, еден од тимовите во англиската Премиер лига, која се издвојува како највредна лига во светот, е проценета на 1,03 милијарди евра, а 779,8 милиони евра на тимот на Челси.

Меѓу најдрагоцените играчи на Манчестер Сити се истакнуваат белгиската ѕвезда Кевин Де Брујне и Британецот Рахим Стерлинг, секој од нив со пазарна вредност од 100 милиони евра. Бернардо Силва, Рубен Дијас, Родри и Фил Фоден се најскапи играчи меѓу останатите фудбалери од тимот, секој од нив со пазарна вредност од 70 милиони евра.

Четириесет милиони евра е сумата за трансфер на германскиот фудбалер со турско потекло, Илкај Ѓундоган, најдобриот стрелец на Манчестер Сити, кој 17 пати ги затресе противничките мрежи во сите натпреварувања оваа сезона.

- Најскапите играчи на Челси се Хаверц и Вернер

На врвот на листата на најдрагоцени играчи во редовите на Челси е Кај Хаверц со пазарна вредност од 70 милиони евра, германскиот интернационалец кој го засили англискиот клуб на почетокот на минатата сезона и неговиот сонародник Тимо Вернер со 60 милиони евра.

Англискиот напаѓач Тами Абрахам, кој сезонава е најдобар стрелец во клубот, и кој, како и Вернер, ги затресе противничките мрежи 12 пати, вреди 40 милиони евра.

- Пазарна вредност на играчите во финалето на Лигата на шампиони

Пазарната вредност на играчите на Манчестер Сити:

Пазарната вредност на играчите на Челси: