Фудбал: На клубовите ќе им се дозволи да извршат 5, наместо 3 замени на играчи во текот на еден натпревар

ИСТАНБУЛ

Одборот на Меѓународната фудбалска асоцијација (IFAB) објави дека на клубовите ќе им дозволи на натпреварите до крајот на 2020 година да можат да заменат до 5 играчи, јавува Агенција Анадолија (АА).

На интернет-страницата на Меѓународната фудбалска асоцијација објавен е текст во кој се вели дека поради одложените натпревари во лига-натпреварите, како последица од мерките преземени против ширењето на пандемијата на новиот тип коронавирус (Ковид-19) и густината на одигрувањето на натпреварите, ФИФА го прифатила предлогот клубовите на еден натпревар да можат да заменат до 5 играчи.

Привремено тимовите до крајот на годинава ќе можат наместо досегашните 3, да заменат 5 играчи за период од 90 минути.

На натпреварите во елиминации, доколку дојде до продолженија, ќе може да се изврши и шеста замена на играч. Правата преостанати од нормалниот тек на натпреварот преминуваат во продолженијата.

Со цел непотребно да не се губи времето во текот на натпреварот, како на пример при замена на петте играчи, тимовите во текот на натпреварот и во текот на полувремето ќе можат најмногу трипати да го запрат натпреварот.

Освен тоа ИФАБ и ФИФА, доколку тоа е потребно, ќе можат правилото за замена на 5 играчи да го продолжат и во организациите што треба да завршат во 2021 година.

Во исто време ИФАБ го отстрани правилото за принудно користење на судискиот видео-асистент (ВАР-системот). Дискреционото право на употребата на правилата за замена на 5 играчи и употребата на ВАР-системот им е оставено на националните фудбалски федерации.