Германскиот канцелар Мерц пристигна во Анкара за Самитот на НАТО

Германскиот канцелар Фридрих Мерц денес пристигна во турскиот главен град Анкара за да учествува на 36. Самит на шефови на држави и влади на земји членки на НАТО, јавува Анадолу.

Неговиот авион слета на аеродромот во Анкара, каде што беше пречекан од турската министерка за семејство и социјални услуги Махинур Оздемир Ѓокташ и други официјални лица.

Самитот во Анкара ги собра лидерите од 32 земји членки на Алијансата, како и клучните партнери за да разговараат за европскиот одбранбен капацитет, целите на Алијансата за издвојување за одбраната, воената модернизација и континуираната поддршка за Украина.

Состанокот во Анкара е втор самит на НАТО чиј домаќин е Турција, по Самитот во Истанбул во 2004 година. Собирот, исто така, обезбедува платформа за билатерални средби меѓу Турција и сојузничките земји за политичка, безбедносна и економска соработка.