Земјотрес со јачина од 6,1 степени ја потресе западна Турција

ИСТАНБУЛ (АА) - Турција оваа вечер ја потресе земјотрес со јачина од 6,1 степени, известува Анадолу.

Претседателството за управување со катастрофи и вонредни состојби на Турција (АФАД), информираше дека епицентарот на земјотресот бил во округот Синдирги во турската област Баликесир.

Земјотресот бил на длабочина од 11 километри.

Mинистерот за внатрешни работи на Турција, Али Јерликаја, изјави дека според првичните проценки, засега нема пријавени жртви, но една зграда се урнала во Синдирги.

По земјотресот со јачина од 6,1 степени по Рихтер во округот Синдирги во турската област Баликесир, се случија уште три последователни земјотреси со јачина од 4,6, 4,1 и 4 степени по Рихтер, известува Анадолу.

На веб-страницата на Претседателството за управување со катастрофи и вонредни состојби на Турција (АФАД), регистрирани се три потреси, со јачина од 4,6 степени по Рихтер во 20:01 часот, 4,1 во 20:04 часот и 4 во 20:06 часот, по локлано време.

Земјотресот со јачина од 4,6 степени по Рихтер се случил на длабочина од 6,78 километри, земјотресот со јачина од 4,1 степени по Рихтер на 7 километри, а земјотресот со јачина од 4 степени по Рихтер на 16,07 километри.

Земјотрес со јачина од 6,1 степени по Рихтер се случи во истиот округ во 19:53 часот.