Летовите од Аеродромот „Истанбул“ продолжија, откако се намалија снежните врнежи

ИСТАНБУЛ (АА) - Летовите од Аеродромот „Истанбул“ повторно започнаа, откако поради обилните снежни врнежи беше запрен воздушниот сообраќај кон и од турската метропола, соопшти „Туркиш ерлајнс“, јавува Агенција Анадолија (АА).

Илкер Ајџи, претседател на Управниот одбор и Извршниот комитет на „Туркиш ерлајнс“, ги набљудуваше работите околу чистењето на снегот на пистите на Аеродромот „Истанбул“, најголемиот аеродром во Турција.

Нагласувајќи дека е неопходно да се отворат нови места за паркирање за да се обезбеди ротација на авионите, Ајчи рече дека авион од Њујорк слетал на аеродромот, а друг полетал за Њујорк, како и дека полетале авиони за Лондон и Атланта.

Аеродромот „Истанбул“ беше затворен за летови од понеделникот, откако Истанбул беше зафатен од обилни снежни врнежи кои го нарушија одвивањето на сообраќајот во метрополата.