Тројца терористи неутрализирани во југоисточна Турција

АНКАРА

Турските безбедносни сили неутрализираа тројца вооружени терористи во југоисточна Турција, се соопштува од Министерството за внатрешни работи, јавува Агенција Анадолија (АА).

„Терористите се неутрализирани од страна на жандармериските сили за специјални операции во воздушната антитерористичка операција во околината на областа Адијаман“, се додава во соопштението на Министерството.

Операцијата во регионот е сѐ уште во тек.

Иако во изјавата не се споменува специфична терористичка група, турските сили спроведуваат операции против терористичката организација ПКК и нејзините ограноци, како дел од прекуграничните и домашните антитерористички операции.

Во својата над 30-годишна терористичка кампања против Турција, ПКК, којашто се наоѓа на листата терористички организации на Турција, САД и Европската Унија, одговорна е за смртта на 40.000 луѓе, меѓу кои има и деца и жени. ЈПГ е огранок на терористичката организација ПКК во Сирија.