Li bajarê ku di warê hejmara pêz da di rêza yekem da ye, piştî zivistaneke dirêj û bibaran, ji ber ku germahiya hewayê zêde bûye, berf heliyaye û çêreyê ajero daye û hêşîn bûye.
Welatiyên ku pez û dewarên xwe 5 mehan di gom û tewleyan da xwedî kirin, piştî zivistaneke dirêj heywanên xwe berdan çolê.
Heywandarên li çêregehên keskê ku ji ber baranê ava kanî û çeman gur bûye, pezê xwe diçêrînin.
Li navçeya Başkaleyê ku navendeke girîng ya pêz e, li mêrg û çîmenên li devera gundê Yavuzlarê yê ku bi çemên xwe yên bi fetlok tê nasîn, nêzîkî 10 hezar serî pêz heye.
Şivan di nava çem, çavkanî û çêregehan da pezê xwe diçêrînin.
Xwediyê pêz Tunç Alkan ji nûçegihanê AAyê ra got ku bi germbûna hewayê ra xweza zindî dibe û çêre hêşîn û xweş dibe.
Şivan Azat Aytekîn diyar kir ku zivistan hem dijwar û hem jî sar bû û got, "Erdên me tijî keriyên pez in. Her kes heywanên xwe diçêrîne. Em ê heta 10ê Gulanê emê heywanên xwe li vir biçêrînin û dû ra em ê ber bi deverên bilind va biçin."
Şerafettîn Tugalê mixtarê gundê Çelebîbaxiya gundê navçeya Erdîşê jî diyar kir ku erdê herêmê îsal bi barana zêde xweş bûye.
