Li cihên bilind ên Wanê barîna berfê berdewam e

Li Wanê ekîbên şaredariyê li ser sînorê Îranê rêyên ku ji ber berfê asê bûne ji hatûçûnê ra vekirin.

Li gorî daxuyaniya Şaredariya Bajarê Mezin a Wanê, li ser xeta rê ya 16 hezar kîlomteroyî ya li 13 navçeyan, xebatên maliştina berfê berdewam in.

Ekîbên ser bi Serokatiya Daîreya Çêkirin, Nûkirin û Temîra Rêyan, ji bo vekirina rêyên li ser sînorê Îranê yên ku ji ber berfê hatine girtin, çûn herêmê.

Tevî bahoz û serma û seqemê ekîban, li ser rêyên ku qalindahiya berfê qama makîneyên kar derbas dikir destbikar bûn û rê vekirin.

Li navçeyên Baxçeseray û Başqeleyê jî, ji bo vekirina rêyên 7 gund û gundikan ên ku ji ber berfê asê bûne, xebat didomin.