Li qeraxê Çemê Munzûrê kêfa kampa çadirê

Kesên ku ji bo betlaneyê çûne Ovacika navçeya Tunceliyê, li qeraxê Çemê Munzûrê ji xwe ra di çadiran da kamp dikin.

Li navçeya ku nêzî 7 hezar nifûsa wê heye û 1500 mêtre bilind e, bi xweşikahiyên xwe yên siruştî va mazûvaniya turîstên xwemalî û biyanî dike. Li navçeyê çar demsalan werzişên siruşt û avê tê kirin. Di salên dawîn da jî qadên kampa çadiran zêde bûn.

Kampên çadiran seba turîzmê girîng e û digel mêvanên ku ji bajarên derdorê tên, şêniyên herêmê jî eleqeyê nîşan didin.

Mêhvanên ku rojane an jî şevan dimînin, bi taybetî li qeraxê Çemê Munzûrê çadirên xwe vedigrin û tê da betlaneya xwe dikin.

Li ber ava ku wekî akvaryumê ye, ji bajêr dûr û di nava siruştê da mêvan pîknîka xwe dikin û di avê da avjeniyê dikin.

Hezjêkerê siruştê Ozan Turgut ji nûçegihanê AAyê ra got ku ew bi rêk û pêk kamp dike û ji stresa bajêr direve.

Turgut daxuyand, di kampê da meriv wexta ku serê sibehê zû radibe, pir xweş e û wiha dewam kir, "Em li qeraxê Çemê Munzûrê çadirê vedigrin û diçin avjeniyê û paşê tên taştê dikin. Em ji xwe ra hamak çêdikin û tê da vedilezin. Piştî şîvê em agir dadidin û li ser kartolan diqelînin. Her wiha em stêrkan jî temaşe dikin."