Li Meletiyê bi mezinahiya 5,6an erdhej çêbû

Hat ragihand ku di saet 09.00an da navend Battalgaziya navçeya Meletiyê bi mezinahiya 5,6an erdhej çêbû.

Li gor agahiya li ser malpera Serokatiya Rewşa Acîl û Afatê (AFAD) hat dayîn, navend navçeya Battalgaziyê bi mezinahiya 5,6an erdhej çêbû.

Li gor agahiyan erdhej 7,03 kîlometre di bin erdê da çêbûye.

- Ji Meletiyê tu îxbar nehatine

Waliyê Meletiyê Seddar Yavuz daxuyanî da nûçegihanê AAyê û diyar kir ku li qadê lêkolîn didomin.

Seddar Yavuz ji bo gelê Meletiyê û bajarên li derdorê ra got "derbasî be" û wiha got, "Ji Meletiyê tu îxbar nehatine."

- Li bajarên li derdorê jî erd hejiya

Ji ber erdhejê bajarên weke Kahramanmeraş, Gazîentep, Adiyeman, Şanliurfa, Diyarbekir, Elezîz, Kayseri û Sêwas î hejiyan.

Hin welatî derketin derva û xwe dan ciyê vala.