وان.. وەرگەڕانی بارھەڵگرێکی كۆچبه‌ران پێنج كوژراو ٣٧ برینداری لێكه‌وته‌وه‌

وان - AA

لە ئاکامی وەرگەڕانی بارھەڵگرێک لە نزیک گوندی ئاگارتی سەر بە پارێزگای وان کە کۆچبەری نایاسایی ھەڵگرتبوو، پێنج کۆچبەر گیانی لەدەستدا و ٣٧ی دیکەش برینداربوون.

بارھەڵگرێک لە نزیک گوندی ئاگارتی سەر بە شارۆچکەی توشباری پارێزگای وان کە کۆچبەری نایاسایی ھەڵگرتبوو، وەرگەڕا.

دواتریش دەستبەجێ تیمەکانی فریاکەوتن گەیشتنە شوێنی رووداوەکە.

لە ئەنجامی ئەمەش پێنج کۆچبەری نایاسایی گیانی لەدەستدا و ٣٧ کۆچبەری دیکەش برینداربوون.

بریندارەکان رەوانەی نەخۆشخانەکانی وان کران.