تا ئیستا لە شەڕی غەززە ١١ ڕۆژنامەوان کوژراون

ئیستانبوڵ – AA

سەندیکای ڕۆژنامەنووسانی فەڵەستین ڕایگەیاند لە ھێرشەکانی ئیسرائیل بۆ سەر کەرتی غەززە کە لە ڕۆژی ٧ی ئەم مانگەوە دەستی پێکردووە و تا ئێستا بەردەوامە، ١١ ڕۆژنامەوان کوژران و ٢٠ی دیکەیش برینداربوون، ھەروەھا دوو رۆژنامەوانی دیکەیش بێ سەروشوێنن.

لیژنەی ئازادییەکان سەربە سەندیکای ڕۆژنامەنووسانی فەڵەستین لە ڕاپۆرتێکدا کە کۆپییەکی دەستی ئاژانسی ئانادۆڵو کەوتووە، ئاماژەی بەوەداوە کە تا ئێستا لە ئاکامی ھێرشەکانی فڕۆکە جەنگییەکانی ئیسرائیل بۆسەر کەرتی غەززە ، ١١ ڕۆژنامەوان کوژران و ٢٠ی دیکەیش برینداربوون، ھەروەھا دوو رۆژنامەوانی دیکەیش بێ سەروشوێنن ، ئەمە وێرای ئەوەی دەیان پێشێلکاریی بەرامبەر بە ڕۆژنامەوانان لە کەناری ڕۆژئاوا و قودس ئەنجام دراون.

باسی لەوەیش کردووە کە ژمارەیەک خانووی ڕۆژنامەوانان لە کەرتی غەززە بەھۆی بۆردومانەکانی ئیسرائیلەوە خاپوورکراون.

ڕاشیگەیاندووە کە لە بۆردومانەکانی فڕۆکە جەنگییەکانی ئیسرائیل بۆسەر کەرتی، ٥٠ بارەگای دەزگای ڕاگەیاندن خاپوورکراون.