Zana Natık Kerem
28 حوزەیران 2020•نوێکردنەوە: 29 حوزەیران 2020
بەغدا ــ AA
وەزارەتی خوێندنی باڵای و توێژینەوەی زانستیی عێراق رایگەیاند كە دەستپێكردنی ساڵی نوێی خوێندن لە زانكۆ و پەیمانگەكان بۆ کۆتایی ئەمساڵ دواخراوە.
وەزارەتی خوێندنی باڵای و توێژینەوەی زانستیی عێراق رایگەیەندراوێكی بڵاوكردەوە و تیایدا ئاماژەی بەوە داوە كە وەرزی یەكەمی خوێندنی زانكۆ و پەیمانگەكان بۆ ساڵی خوێندنی 2020 - 2021 لە 06-12-2020 دەست پێ دەكات و لە 18-03-2021 كۆتایی دێت.
بەپێی راگەیەندراوە، وەرزی دووەمی خوێندن لە 11-04-2020 دەست پێ دەكات و لە 22-07-2021 كۆتایی دێت.
لە راگەیەندراوەكەدا ئەوەیش هاتووە "بەهۆی ئەو رەوشە تەندروستییەی كە لە ئەنجامی بڵاوبوونەوەی ڤایرۆسی كۆرنای نوێ (COVID-19) هاتووەتە ئاوارەوە، كاركردن بە میكانیزمی فێركردن بە ئۆنلاین بەردەوام دەبێت.
لە مانگی ئاداری رابردووە، بەهۆی بڵاوبوونەوەی ڤایرۆسی كۆرۆنا لە عێراق، دەوامی قوتابخانە، زانكۆ و پەیمانگاكان دواخراوە.
پێشتر وەزارەتی پەروەردەی عێراق، كۆتایی بە پرۆسەی خوێندن بۆ پۆلە ناكۆتاكان هێنا و راگەیاندبوو كە نمرەی وەرزی یەكەم بۆ قوتابییانی پۆلە ناكۆتاییەكانی قۆناغەکانی سەرەتایی، ناوەندیی و ئامادەیی هەژمار دەكرێت.
