Несреќа на возило со нерегулирани мигранти во Грција: 1 загинат, 7 повредени

АТИНА

Денеска во утринските часови во Грција се случи сообраќајна несреќа на возило во кое биле транспортирани пакистански мигранти. Во несреќата животот го загуби едно лице, а 7 се повредени, јавува Агенција Анадолија (АА).

Според вестите што ги објавија локалните медиуми, на патот Ксанти - Солун, возило кое транспортирало мигранти се превртело во обид да избега по упатеното полициско предупредување да застане.

Во несреќата еден од мигрантите починал на самото место, а 7 мигранти се наоѓаат на лекување во болницата во Кавала.

Полицијата започна истрага во врска со инцидентот.