Катар потврди дека пренесува пораки меѓу САД и Иран за прекин на војната

Катар денес соопшти дека пренесува пораки меѓу САД и Иран во рамките на своите посреднички напори за ставање крај на нивната војна, јавува Анадолу.

„Напорите на Катар за посредување продолжуваат и во моментов пренесуваме пораки меѓу американската и иранската страна“, изјави портпаролот на Министерството за надворешни работи, Маџед ал-Ансари, на прес-конференцијата во Доха.

Запрашан за можноста од голем американски воен напад врз Иран, Ансари рече: „Загрижени сме поради каква било ескалација во регионот и работиме на изнаоѓање мирно решение.“

Во февруари САД и Израел започнаа војна против Иран, кој возврати со напади врз американски цели низ регионот, по што во април беше постигнат договор за прекин на огнот.

Во јуни Вашингтон и Техеран потпишаа меморандум за разбирање за прекин на непријателствата и одржување на непречено пловење низ Ормускиот Теснец, но неговата имплементација беше запрена поради несогласувањата поврзани со безбедноста на стратегискиот воден пат, а тензиите меѓу двете страни продолжуваат да се зголемуваат.