Австрија на сириските бегалци им нуди 1.000 евра да се вратат дома

ЛОНДОН (АА) - Австрискиот канцелар денес најави стимулација од 1.000 евра за сириските бегалци кои сакаат да се вратат во својата земја по падот на режимот на Башар ал-Асад, пренесува Анадолу.

„Австрија ќе ги поддржи Сиријците, кои сакаат да се вратат во својата матична земја, со бонус од 1.000 евра“, напиша Карл Нехамер на платформата X.

Канцеларот рече дека на Сирија сега ѝ требаат нејзините граѓани за нејзина обнова.

Тековните процедури за азил за сириските граѓани во Австрија ќе останат суспендирани, нагласи тој.

Башар ал-Асад, лидерот на Сирија речиси 25 години, побегна во Русија откако антирежимските групи ја презедоа контролата врз Дамаск на 8 декември, ставајќи крај на режимот на партијата Баас, која беше на власт во Сирија од 1963 година.