Бројот на загинати во поплавите во Непал и Кина достигна 1.130, исчезнати речиси 4.500 лица

Бројот на загинати во разорните поројни поплави и одрони што минатата недела го погодија подрачјето на границата меѓу Кина и Непал се искачи на 1.130, додека речиси 4.500 лица се водат како исчезнати, покажаа најновите официјални податоци денес, јавува Анадолу.

Според Националната управа за намалување на ризикот од катастрофи и управување со катастрофи, во Непал од масовните поројни поплави што ја погодија хималајската земја на 26 август досега се пронајдени 1.114 тела, додека 292 лица се повредени, а 3.916 се водат како исчезнати.

Властите соопштија дека од подрачјата погодени од поплавите се спасени околу 12.000 лица, додека повеќе од 21.000 припадници на безбедносните сили, вклучително и војници и полицајци, се мобилизирани за помош во тековните операции за пребарување и спасување.

Околу 1,6 милиони луѓе во Непал се погодени од поројните поплави, додаваат властите.

Најмалку 16 лица загинаа на кинеската страна од границата, додека 546 се водат како исчезнати, меѓу кои 261 странски државјанин, објави новинската агенција Синхуа.