Во Колумбија запленети 843 килограми кокаин

БОГОТА (АА) - Во акција организирана од тимови за наркотици во Колумбија запленети се 843 килограми кокаин, јавува Анадолу.

Во акцијата спроведена во градот Картагена е запрен камион со три контејнери. Како резултат на претресот, пронајдени се 843 килограми кокаин скриени во контејнерите.

Се вели дека акцијата била спроведена во соработка со американската Администрација за борба против дрогата (ДЕА).

Наведено е дека камионот со кокаин бил на пат од Картагена кон Баранкила и оттаму дрогата требало да биде пратена до Кариби.

Возачот на камионот е уапсен.

Колумбискиот претседател Густаво Петро им честиташе на тимовите за борба против наркотици што успешно ја изведоа акцијата.

Во последната заедничка операција на колумбиските, панамските и американските безбедносни сили во Карипско Море, запленети се 5,5 тони кокаин.