Firdevs Bulut
26 Јули 2020•Ажурирај: 27 Јули 2020
ИСТАНБУЛ (АА) - Арапските земји и според најновите податоци продолжуваат да бележат нови случаи на коронавирусот и нови смртни случаи предизвикани од овој вирус, пренесува Агенција Анадолија (АА).
- Алжир -
Министерството за здравство соопшти дека во изминатите 24 часа во земјата регистрирани се десет смртни случаи од Ковид-19 и 605 нови случаи.
Бројот на починати во земјата достигна 1.146, а вкупниот број на случаи е 26.764, со 18.076 излекувани.
- Јемен -
Според соопштението на Националниот комитет за борба против коронавирусот, пријавени се пет смртни случаи.
Бројот на починати од Ковид-19 достигна 474, а бројот на заболени изнесува 1.674. Вкупно излекувани се 780.
- Мароко -
Во земјата во изминатите 24 часа регистрирани се шест смртни случаи од Ковид-19 и 811 новозаразени, информира Министерството за здравство.
Бројот на смртни случаи достигна 305, а бројот на досега заразени изнесува 19.645, од кои 16.282 се оздравени.
- Палестина -
Пет смртни случаи и 382 нови случаи на Ковид-19 се пријавени од страна на здравствените власти.
Вкупниот број на досега починати како последица на Ковид-19 достигна 78, а бројот на досега заразени изнесува 12.795 во окупираните палестински територии, вклучително и Источен Ерусалим. Регистрирани се вкупно 4.256 излекувани.
- Либан -
Министерството за здравство на Либан пријави еден смртен случај предизвикан од коронавирусот и 175 новозаразени.
Од почетокот на епидемијата во земјата од Ковид-19 починаа 47 лица, а бројот на заразени достигна 3.579. Вкупно оздравени се 1.671 лице.
- Тунис -
Туниското Министерство за здравство соопшти дека во изминатите 24 часа во земјата регистирани се уште 18 новозаразени и девет оздравени лица.
Вкупниот број на случаи достигна 1.443, додека бројот на починати од Ковид-19 е 50. Излекувани се 1.133 лица.
- Јордан -
Вкупниот број на заразени од коронавирусот во земјата од почетокот на вирусот достигна 1.154, со 18 нови дијагностицирани во изминатите 24 часа.
Починати се 11 лица, а 1.052 пациенти се излекувани, соопшти Министерството за здравство.
- Обединети Арапски Емирати -
Министерството за здравство на ОАЕ соопшти дека во изминатите 24 часа во земјата се дијагнстициррани 313 нови случаи на коронавирусот и 393 оздравени.
Бројот на починати од вирусот изнесува 343, а вкупниот број наслучаи е 58.562. Излекувани се 51.628 лица.
Откако за првпат се појави во Кина минатиот декември, Ковид-19 однесе над 644.000 животи и се рашири во речиси 200 земји и региони во светот.
Во светот се пријавени над 16 милиони случаи на вирусот, додека над 9 милиони лица се излекувани, покажуваат податоците на американскиот Универзитет „Џонс Хопкинс“.
