Генералниот секретар на ОН Гутереш: „Демократијата во Нигер е за пример“

ДАКАР (АА) - Генералниот секретар на Обединетите нации (ОН), Антонио Гутереш истакна дека демократијата во Нигер е пример за демократија во регионот и на континентот, пренесува Агенција Анадолија (АА).

Генералниот секретар на ОН Гутереш одржа заедничка прес-конференција со Мохамед Базум, претседателот на Нигер, во вториот круг од неговата мини-африканската турнеја насловена „Рамазанска солидарност“.

Наведувајќи дека поради епидемијата на Ковид-19 морал да ја одложи посетата на Нигер за 2 години, Гутереш нагласи дека оваа посета е организирана за да му се даде поддршка на Нигер.

„Демократијата во Нигер е пример и за регионот и за континентот како целина“, истакна Гутереш.

Тој исто така посака Нигер да продолжи со чекорите што ги презеде за зајакнување на институциите и социјалниот мир.

Гутереш, пофалувајќи ги перформансите на армијата на Нигер во борбата против тероризмот, се осврна на потребата на меѓународната заедница да обезбеди финансии, опрема и поддршка за обука на армијата на Нигер.

Потсетувајќи дека регионот се соочува со повеќедимензионална криза, вклучувајќи ја и безбедноста, Гутереш додаде дека тоа може да се надмине само со меѓународна мобилизација.

Претседателот Базум рече дека Гутереш е тесно заинтересиран за проблемот со тероризмот во Сахел откако ја презел функцијата генерален секретар на ОН.

Базум ја истакна и потребата за развој на капацитетот на армијата поради проблемот со тероризмот во регионот.

Истакнувајќи дека тие се борат со сериозна суша предизвикана од климатските промени и со тероризмот, Базум нагласи дека прво се соочиле со кризата со храна предизвикана од Ковид-19, а потоа и со кризата предизвикана од руско-украинската војна.

Меѓу другото Базум додаде дека како власт на Нигер, ќе ја продолжат својата посветеност на демократските вредности.